सातारा : ऊस तोडणीसाठी कोयते, मजूर देण्याकरीता सुमारे पावणेपाच लाख रुपयांची उचल घेवून ती परत न दिल्याने दोघांविरोधात रहिमतपूर पोलीस ठाण्यात गुन्हा दाखल झाला आहे.
याबाबत पोलिसांनी दिलेली माहिती अशी, दि. 27 ऑगस्ट 2020 रोजी दोन वा. सुमारास ते 28 सप्टेंबर 2020 पर्यंत रिसोड, ता. रिसोड, जि. वाशीम आणि रहिमतपूर, ता. कोरेगाव येथे गजानन बबन कांबळे, अलका बबन कांबळे (दोघेही रा. सावरगाव, ता.जि. वाशीम) यांनी आपापसांत संगनमत करुन आम्ही तुम्हाला ऊस तोडणीसाठी 11 कोयते व मजूर देतो, असे सांगून हणमंत पंढरीनाथ चव्हाण (वय 60, रा. किरोली वाठार, ता. कोरेगाव) या ऊस वाहतूक करणार्‍या व्यवसायिकाच्या मुलाकडून वेळोवेळी चार लाख 65 हजार रुपये उचल घेवून ती परत न करता ऊस मजूर न देता फसवणूक केल्याची तक्रार रहिमतपूर पोलीस ठाण्यात दाखल झाली आहे. तपास पीएसआय सावंत करीत आहेत.