सातारा : शासनाने महात्मा ज्योतिराव फुले शेतकरी कर्जमुक्ती योजना 2019 अंतर्गत नियमित कर्जफेड करणाऱ्या पात्र शेतकऱ्यांना 50 हजार रुपये प्रोत्साहन पर लाभ देण्याची योजना मागील वर्षापासून सुरू केली. या योजनेअंतर्गत मागील 10 व महिन्यांमध्ये नियमित कर्जफेड करणाऱ्या एक लाख 91 हजार 548 शेतकऱ्यांना 677.85 कोटी रुपयांचा लाभ देण्यात आला आहे. मात्र अद्यापही आधार प्रमाणित केलेले 24 हजार 578 शेतकरी प्रोत्साहन पर रकमेच्या प्रतीक्षेत आहेत. त्यामुळे आम्ही नियमित कर्ज थकवले असते तर बरे झाले असते, अशी प्रतिक्रिया काही शेतकऱ्यांकडून व्यक्त होत आहे.
महात्मा ज्योतिराव फुले शेतकरी कर्जमुक्ती योजना 2019 अंतर्गत एक एप्रिल 2015 ते 31 मार्च 2019 या कालावधीत उचल केलेले दोन लाखापर्यंतचे पीक कर्ज शासनाने माफ केले होते, तर नियमित कर्ज भरणाऱ्यांना शेतकऱ्यांना प्रोत्साहन भत्ता देण्यात येणार होता. परंतु आतापर्यंत एक लाख 91548 शेतकऱ्यांना लाभ देण्यात आला आहे, तर 24000 शेतकरी प्रोत्साहन रकमेच्या प्रतीक्षेत आहेत. जिल्ह्यातील एक लाख 91 हजार 548 शेतकऱ्यांच्या खात्यात 677.85 कोटी रुपये इतकी रक्कम वितरित करण्यात आली आहे. आतापर्यंत शेतकऱ्यांना लाभ आधार प्रमाणीकरण केलेल्या दोन लाख 16 हजार 126 शेतकऱ्यांपैकी एक लाख 91 हजार शेतकरी लाभार्थी ठरले. मात्र आधार प्रमाणीकरण पूर्ण करूनही 24 हजार 578 शेतकरी अद्यापही या प्रोत्साहनपर रकमेच्या प्रतीक्षेत आहेत. कृषी विभागाकडून या संदर्भात अद्याप कोणताही निरोप आला नसल्याने प्रोत्साहन पर अनुदानाची गोची झाली आहे. शासनाने घोषित केलेला प्रोत्साहन भत्ता नव्या हंगामात मिळण्याची अपेक्षा नव्हती. मात्र हंगाम तोंडाला तरी जिल्ह्यातील दहा हजार शेतकऱ्यांना प्रोत्साहन व त्याचे प्रतिक्षा आहे. यंदा आलेल्या अवकाळी पावसाने शेतकऱ्यांचे फार मोठे नुकसान झाले. थकीत प्रोत्साहन भत्ता त्वरित देण्यात यावा, अशी मागणी जिल्ह्यातील शेतकऱ्यांकडून होत आहे.