सातारा : सातारा जिल्ह्याची अर्थवहिनी, सर्वसामान्यांची बँक असा नावलौकीक असलेल्या जनता सहकारी बँक लि., साताराच्या सेवक संचालकपदी अन्वर युसुफ सय्यद, अभिजीत अविनाश साळुंखे यांची नुकतीच बिनविरोध निवड झाली. जनता सहकारी बँक कर्मचारी संघाने याबाबत दिलेल्या प्रस्तावास बँकेच्या मुख्य कार्यालयात झालेल्या संचालक मंडळाच्या सभेत सर्वानुमते मान्यता देण्यात आली.

नवनिर्वाचित सेवक संचालकांचा सत्कार बँकेचे भागधारक पॅनेल प्रमुख, जेष्ठ संचालक विनोद कुलकर्णी, बँकेचे चेअरमन अमोल मोहिते यांच्या हस्ते करण्यात आला. यावेळी व्हा. चेअरमन विजय बडेकर, जेष्ठ संचालिका डॉ. चेतना माजगांवकर, संचालक वसंत लेवे, चंद्रशेखर घोडके, वजीर नदाफ, अविनाश बाचल, रविंद्र माने, नारायण लोहार, ॲड. चंद्रकांत बेबले, अक्षय गवळी, मच्छद्रिं जगदाळे यांची उपस्थिती होती. श्री. विनोद कुलकर्णी यांनी श्री.सय्यद, श्री. साळुंखे यांनी बँकेच्या सेवेतील केलेल्या उत्तम कामकाजाबाबत गौरवोदगार काढून बँकेतील चांगल्या कामकाजाची दखल कर्मचारी संघ, संचालक मंडळाने घेतल्याचे सांगितले.

संचालक मंडळावर निवड झाल्यामुळे ते सर्वांचे अभिनंदनास पात्र असून त्यांना भविष्यातील वाटचालीस शुभेच्छा दिल्या. या प्रसंगी मुख्य कार्यकारी अधिकारी अनिल जठार, प्रशासन अधिकारी महेंद्र पुराणिक, अधिकारी उपस्थित होते . नवनिर्वाचित सेवक संचालकांनी सर्वांच्या सहकार्यामुळेच आम्हाला हे यश प्राप्त झाल्याचे सांगून सर्वांना सहकार्याबद्दल धन्यवाद दिले.