सातारा : जबरी चोरी प्रकरणी दोघांवर सातारा शहर पोलीस ठाण्यात गुन्हा दाखल करण्यात आला आहे.

याबाबत पोलिसांनी दिलेली माहिती अशी, दि. 21 रोजी रात्री पावणे आठ वाजण्याच्या सुमारास अश्विनी अभिषेक घरत रा. समर्थ मंदिर, मंगळवार पेठ, सातारा या सिव्हिल हॉस्पिटल रोड वरून पोवई नाक्याकडे फोनवर बोलत पायी चालत जात असताना पाठीमागून आलेल्या सोहेल विजय काळे रा. मालगाव, ता सातारा आणि नकुल छगन काळे रा. रहिमतपूर, ता‌ कोरेगाव यांनी घरत यांच्या हातातील वीस हजार रुपये किंमतीचा मोबाईल जबरदस्तीने हिसकावून घेऊन पळ काढला. याबाबतची फिर्याद सातारा शहर पोलीस ठाण्यात नोंदविण्यात आली असून अधिक तपास सहाय्यक पोलीस निरीक्षक शितोळे करीत आहेत.