सातारा : ज्येष्ठ नागरिक संघ सातारच्या आगामी कार्यकारिणी व पदाधिकाऱ्यांच्या निवडणुकीचा कार्यक्रम निवडणूक अधिकारी विनायकराव आगाशे यांनी जाहीर केला असून सोमवार दि. २० नोव्हेंबर पासून उमेदवारी अर्ज दाखल करण्यास सुरुवात होणार आहे.

अध्यक्ष, कार्याध्यक्ष, दोन उपाध्यक्ष, कार्यवाह, सहकार्यवाह, खजिनदार व कार्यकारणीचे सात सदस्य या पदांसाठी ही निवडणूक होत आहे. उमेदवारी अर्ज दि २० नोव्हेंबर ते दि २५ नोव्हेंबर २०२३ या कालावधीत निवडणूक अधिकारी विनायकराव आगाशे यांच्याकडे उमेदवारी अर्ज दाखल करावयाचे आहेत.

दि. २७ नोव्हेंबर २०२३ रोजी उमेदवारांची उमेदवारी अर्ज यांची छाननी होईल व दि २९ नोव्हेंबर या कालावधीत उमेदवारी अर्ज यांची माघार घेण्याची मुदत असेल. दि. ३० नोव्हेंबर रोजी आवश्यकता वाटल्यास मतदान होईल मतदानाची वेळ सकाळी नऊ ते दुपारी चार पर्यंत असेल आणि त्यानंतर पाच वाजता मतमोजणीला सुरुवात होईल. मतदान व मतमोजणी हे श्री छ प्रतापसिंह महाराज ( थोरले) उद्यान येथील ज्येष्ठ नागरिक संघाच्या मीटिंग हॉल मध्ये असेल. मतमोजणी पूर्ण झाल्यानंतर निवडणूक अधिकारी विनायकराव आगाशे हे निकाल जाहीर करतील.