सातारा : खासगी सावकारीतून एकाला आत्महत्येस कारणीभूत ठरल्याप्रकरणी पाच जणांविरोधात सातारा शहर पोलीस ठाण्यात गुन्हा नोंद करण्यात आला आहे.

याबाबत पोलिसांनी दिलेली माहिती अशी, कर्ज व व्याज देण्याचा तगादा लावून मानसिक त्रास दिल्याने उमेश हरीष डाकवे (रा. डाकवेवाडी पो.काळगाव ता.पाटण सध्या रा. मलकापूर ता.कराड) या युवकाने आत्महत्या केली. ही घटना दि. 12 रोजी पोलिस अधीक्षक कार्यालय परिसरात घडली असून घटनेने खळबळ उडाली आहे. दरम्यान, कराड येथील पाच जणांवर आत्महत्येस प्रवृत्त केल्याप्रकरणीचा गुन्हा दाखल झाला आहे. किरण पाटील, लुकमान मुजावर, परिन शहा, दिलीप शहा, अनिल शहा अशी संशयित आरोपींची नावे आहेत. याप्रकरणी उमेशचे वडील हरीष डाकवे यांनी सातारा शहर पोलिस ठाण्यात तक्रार दिली आहे.