ज्युनियर एनटीआर, जान्हवी कपूर सैफ अली खान या तिघांचा ‘देवरा’ चित्रपट आज चित्रपटगृहात प्रदर्शित झाला आहे. या चित्रपटाला चाहते खूप प्रेम आणि प्रतिसाद देताना दिसत आहेत. या चित्रपटाला प्रेक्षकांचा उदंड प्रतिसाद मिळत आहे. कोरटाळा सिवा दिग्दर्शित हा चित्रपट प्रदर्शित होताच चित्रपटगृहांबाहेर जल्लोषाचे वातावरण पाहायला मिळाले आहे. एकीकडे चित्रपटगृहांच्या बाहेर ज्युनियर एनटीआरचे कटआऊट लावण्यात आले होते, तर दुसरीकडे दिवाळीपूर्वी लोक फटाके फोडतात तसेच उत्साह साजरा करताना या व्हिडिओमध्ये दिसत आहे. हे व्हिडीओ आता सोशल मीडियावर व्हायरल होत आहेत. ‘देवरा’चे सकाळचे शोही हाऊसफुल्ल झाले आहेत.

‘देवरा’ प्रदर्शित होताच चित्रपटगृहाबाहेर फुटले फटाके 
ट्विटरवर व्हायरल होत असलेल्या या व्हिडिओंमध्ये ज्युनियर एनटीआरचे चाहते सेलिब्रेशन करताना दिसत आहेत. ‘देवरा’ रिलीज झाल्यानंतर काही लोक फटाके फोडत आहेत, तर काही आनंदात नाचताना व्हिडिओमध्ये दिसत आहे. या चित्रपटाबाबत चाहत्यांमध्ये एक वेगळाच आनंद आणि उत्साह पाहायला मिळत आहे. एक्स हँडलवर व्हायरल होत असलेल्या या व्हिडिओंमध्ये असे दिसून येते की चाहते त्यांच्या हातात जूनियर एनटीआरचे कटआउट्स घेऊन खूप नाचत आहेत. हा चित्रपट चाहत्यांना प्रचंड आवडलेला दिसत आहे. या चित्रपटाची पहिल्याच दिवशी चांगली कमाई झाली असून, हा चित्रपट ब्लॉकब्लस्टर ठरणार यात शंकाच नाही.