सातारा : सातारा शहरासह तालुक्यात घडलेल्या दोन वेगवेगळ्या घटनांमध्ये विहिरीत पडून दोन महिलांचा मृत्यू झाल्याच्या नोंदी संबंधित पोलीस ठाण्यांमध्ये करण्यात आल्या आहेत.
याबाबत पोलिसांनी दिलेली माहिती अशी, कारंडवाडी, ता. सातारा येथील विहिरीत पडून पविता गोविंद पेमारे (वय 46, रा. कारंडवाडी) यांचा मृत्यू झाला. त्यांना रुग्णालयात उपचारास नेण्यापूर्वीच त्यांचा मृत्यू झाला होता. याबाबत प्रियंका दीपक वाढोणकर (वय 27, रा. कारंडवाडी) यांनी सातारा तालुका पोलीस ठाण्यात फिर्याद दिली आहे. पोलीस हवालदार गायकवाड तपास करत आहेत.
दुसर्‍या घटनेत, मनोरुग्ण असल्याने व त्या भानात जयश्री संजय पवार (वय 52 वर्षे, रा. मंगळवार पेठ, ता. सातारा) यांनी विहिरीत उडी टाकली असावी. त्यात त्यांचा मृत्यू झाला. ही घटना दि. 8 रोजी घडली. याबाबत शाहूपुरी पोलीस ठाण्यात यशराज संजय शिंदे (वय 22, रा. काले, त. कराड, मूळ रा. मंगळवार पेठ, सातारा) पोलीस नाईक यादव तपास करत आहेत.