सातारा  : शाहूपुरी पोलिसांनी दि. ९ रोजी रात्री  साडेआठ वाजण्याच्या सुमारास राजवाडा येथील नगर वाचनालयशेजारी असलेल्या पत्र्याच्या शेडच्या आडोशाला जुगाराच्या अड्ड्यावर छापा टाकून एकूण ७६० रुपये रोख रक्कम आणि जुगाराचे साहित्य जप्त केले आहे. याप्रकरणी शांताराम कोंडीबा खरात (वय ४२ वर्ष रा. माची पेठ सातारा) याच्या विरोधात गुन्हा दाखल करण्यात आला असून अधिक तपास पोलीस कॉन्स्टेबल विशाल धुमाळ करत आहेत.