सातारा : ठोसेघर अपघात प्रकरणी कारचालकाविरोधात सातारा तालुका पोलीस ठाण्यात गुन्हा नोंदविण्यात आला आहे.
याबाबत पोलिसांनी दिलेली माहिती अशी, दि. 27 रोजी दुपारी साडेबारा वाजण्याच्या सुमारास नाद अनिल पाटील रा. नाद बंगला, बाणेर रोड, ता. हवेली, जि. पुणे याने त्याच्या ताब्यातील ह्युंडाई कंपनीची कार क्र. एमएच 12 एफएफ 4514 बेदरकारपणे चालवून कारी, ता. सातारा गावच्या हद्दीत, ठोसेघर रस्त्यावर बोरणे घाटात अपघात केला होता. या अपघातात पाच जण जखमी झाले होते. याप्रकरणी नाद पाटील याच्यावर सातारा तालुका पोलीस ठाण्यात गुन्हा दाखल करण्यात आला आहे. अधिक तपास पोलीस हवालदार वायदंडे करीत आहेत.