सातारा : जिल्हा कृषी विभाग व सातारा जिल्हा परिषद तसेच स्थानिक गुन्हे शाखा सातारा यांच्या संयुक्त विद्यमाने वडूज येथे एका गोदामावर छापा मारून तब्बल ३० लाख रुपयांची बनावट खते आणि कीटकनाशके जप्त करण्यात आली .अलीकडच्या काळातील कृषी विभागाची ही मोठी कारवाई मानली जात आहे .याप्रकरणी काही जणांना चौकशीसाठी ताब्यात घेण्यात आली आहे.

जिल्हाधिकारी सातारा  पोलीस अधीक्षक,  मुख्य कार्यकारी अधिकारी जिल्हा परिषद व  जिल्हा अधीक्षक कृषी अधिकारी   श्रीमती भाग्यश्री फरांदे  यांच्या मार्गदर्शनाखाली दि. 9 जानेवारी 2019 रोजी रात्री 11.00 वाजता मिळालेल्या माहितीच्या आधारे जिल्हास्तरीय भरारी पथक मधील श्री गजानन ननावरे कृषी विकास अधिकारी जिल्हा परिषद सातारा श्री संजय फडतरे जिल्हा गुणवत्ता नियंत्रण निरीक्षक सातारा व के के राऊत कृषी अधिकारी गुण नियंत्रण खटाव यांच्यासह सातारा जिल्हा स्थानिक गुन्हे अन्वेषण पथकातील श्री रोहित फारणे सहाय्यक पोलीस निरिक्षक व इतर पोलीस अधिकारी यांनी वडूज ता. खटाव येथे छापा टाकला .मिळालेल्या माहितीच्या आधारे वडूज तालुका खटाव येथील प्रतीक काळे यांचे राहते घरासमोरून पोलिसांनी ताब्यात घेतले .प्रतिक काळे यांनी दाखवलेल्या गोदामा मध्ये बनावट रासायनिक खते कीटकनाशक यांचा साठा सापडला अनुदानित रासायनिक खतांचे पॅरादीप फॉस्फेट लिमिटेड या कंपनीचे डीएपी (१८ :४६ ) या खताच्या 90 भरलेल्या गोण्या तसेच नाव नसलेल्या सुमारे 390 कच्चामाल डीएपी खत म्हणून वापरणेच्या उद्देशाने तेथे आढळून आले तसेच रासायनिक खत म्युरेट ऑफ पोटॅश याच्या सुद्धा 15 गोण्या आढळून आल्या .

रासायनिक खत बोरिक ऍसिड नॅशनल ऍग्रो हायटेक या कंपनीच्या नावे सुमारे १ मेट्रिक टन .  कीटकनाशक क्लोरोपायरीफॉस १०  टक्के दाणेदार कीटकनाशक सुमारे 2. 7 मॅट्रिक टन तणनाशक ग्लाय फॉसेट 41% एस एल या तणनाशकाचे सुमारे एक लिटर पॅकिंग मधील 380 बाटल्या संशयित तननाशक ग्लायफॉसेट  200 लिटर बॅरल मध्ये आढळून आले याचा वापर एक लिटर पॅकिंग मध्ये करण्यासाठी येणार होता . उंदीर नाशक झिंक फॉस्फेट सुमारे १२ किलो १० ग्रॅम पॅकेटमध्ये तसेच संशयित कीटकनाशक अल्युमिनियम फॉस्फाईड १०  ग्रॅम पॅकेटमध्ये सुमारे 20 किलो आढळून आले त्याचबरोबर पॅरादीप फॉस्फेट लिमिटेड तथा जय किसान कंपनीच्या 18 : 46 व 10 :26 :26 या खताच्या नवीन छपाई केलेल्या सुमारे 1580  रिकाम्या गोण्या इंडियन पोटॅश लिमिटेड या कंपनीच्या म्युरेट ऑफ पोटॅश या खताच्या सुमारे 250 रिकाम्या गोण्या आणि इफको  को-ऑपरेटिव्ह लिमिटेड या कंपनीच्या 18 :46 या खताच्या सुमारे २०० नवीन छपाई केलेल्या रिकाम्या गोण्या आढळून आल्या असा एकूण एकंदर सुमारे 25.50 लाख रुपयाचा मुद्देमाल जप्त करण्यात आला आहे तपासणी करते वेळी कच्च्या मालाच्या सुमारे 1980 वापरलेल्या गोण्या दिसुन आल्या त्या अर्थि अंदाज  ३० लाखांचे बनावट खत विकले असल्याचा संशय आहे

विविध कार्यकारी सहकारी सेवा सोसायटी टाकळवाडी,  ता. फलटण जिल्हा सातारा येथील बोगस रासायनिक खतांच्या संदर्भाने दाखल झाल्याच्या अनुषंगाने व मिळालेल्या माहितीनुसार सदर कारवाई करण्यात आली असून सातारा स्थानिक गुन्हे अन्वेषण पुढील तपास करीत आहे.