सातारा : महाराष्ट्राच्या राजकारणामध्ये सातारा जिल्ह्याची शान- आन- बान वाढलेली आहे. त्यात माण अग्रक्रमी आल्यामुळे या चौकाऱ्यांमध्ये आता मंत्री जयकुमार गोरे यांच्या निवडीने शेखर भाऊ गोरे प्रतिष्ठान कार्यकर्त्यांनीही सातारा शहरात दमदार एन्ट्री केल्याची चर्चा राजकीय वर्तुळात सुरू झालेली आहे. 

गेले दहा वर्ष राजकीय संघर्ष झाला. सख्खा भाऊ पक्का वैरी झाले होते. या संघर्षामुळे अनेकदा न्यायालय व पोलीस ठाणे, पत्रकार परिषदा अशा अनेक ठिकाणी संघर्षाची ठिणगी पेटवण्यात आली होती. आता मात्र गोरे बंधूंनी योग्य वेळी योग्य निर्णय घेऊन खऱ्या अर्थाने बहुजन समाजाचा चेहरा पुढे आणलेला आहे.

विशेष बाब म्हणजे महाराष्ट्राचे मुख्यमंत्री देवेंद्र फडणवीस, उपमुख्यमंत्री अजितदादा पवार, माजी मुख्यमंत्री तथा उपमुख्यमंत्री एकनाथ शिंदे यांच्यासह महायुतीच्या समूहामध्ये आनंदाचे वातावरण पसरले आहे. गोरे बंधूंनी केलेल्या करिष्मा मुळे खऱ्या अर्थाने महाराष्ट्रात पुन्हा एकदा महायुतीची सत्ता आली आहे. विशेष बाब म्हणजे सातारा जिल्हा मध्यवर्ती सहकारी बँकेचे संचालक शेखरभाऊ गोरे यांच्या पायगुणामुळे पहिल्यांदाच माण खटाव मतदारसंघात कॅबिनेट मंत्रीपद मिळाल्यामुळे खऱ्या अर्थाने ग्रामविकास व पंचायत राज निर्माण होण्यासाठी अनुकूल वातावरण झालेले आहे. गोरे बंधूंच्या या भूमिकेचे संपूर्ण महाराष्ट्रात स्वागत होत आहे.

सातारा शहरांमध्ये छत्रपती श्रीमंत खासदार उदयनराजे भोसले व सार्वजनिक बांधकाम मंत्री नामदार शिवेंद्रसिंहराजे भोसले यांच्या जोडीला आता मंत्री जयकुमार गोरे, मंत्री मकरंद पाटील, मंत्री शंभूराजे देसाई, कृष्णा खोरे विकास महामंडळाचे उपाध्यक्ष महेश शिंदे, आमदार डॉ.अतुल भोसले, आमदार मनोज घोरपडे, आमदार सचिन कांबळे पाटील यांची समर्थ साथ लाभलेले आहे.