सातारा : एकास मारहाण करुन जबरी चोरी केल्याप्रकरणी एकावर सातारा शहर पोलीस ठाण्यात गुन्हा नोंदविण्यात आला आहे.

याबाबत पोलिसांनी दिलेली माहिती अशी, येथील एमआयडीसीतील हॉटेल सिध्दीविनायक येथे एकाने ‘तुझ्याकडे गांजा आहे का’ असे विचारले. तेव्हा संबंधिताने नाही, असे उत्तर दिल्याने संशयिताने मारहाण केली. तसेच मोबाईल चोरुन नेला. ही घटना दि. 18 रोजी घडली. खटाव स्टील प्रा. लि. मधील कर्मचारी बिशुमुंड सुरजा मुंडा (वय 40) यांनी सातारा शहर पोलीस ठाण्यात फिर्याद दिली असून, प्रशांत किर्ती कुडाव (रा. कोडोली, ता. सातारा) याच्यावर गुन्हा दाखल झाला आहे. पोलीस हवालदार भिसे तपास करत आहेत.