सातारा : डॉक्टर असलेल्या विवाहितेचा जाचहाट केल्याप्रकरणी डॉक्टर पतीसह सासरच्या मंडळींविरुध्द शाहूपुरी पोलीस ठाण्यात गुन्हा दाखल झाला आहे. याबाबत पोलिसांनी दिलेली माहिती अशी, डॉ. संकेत मोरे, सनीता मोरे, मोहन मोरे, पंकज मोरे यांच्या विरुध्द डॉ. स्वाती संकेत मोरे (वय 38, सर्व रा.गडकर आळी, सातारा) यांनी तक्रार दिली आहे. ही घटना 2010 पासून वेळोवळी घडली आहे. प्रत्येक सणाला पाहुणचार म्हणून दागिने आण. तसेच दवाखाना काढण्यासाठी पैसे आण, असे म्हणत जाचहाट केला असल्याचे तक्रारीत म्हटले आहे.