09:09pm | Apr 25, 2020 |
सातारा : लॉक डाऊनमुळे सातारा शहरातील ऐतिहासिक वास्तू म्हणून नावलौकिक प्राप्त झालेल्या सर्किट हाऊसची विविध पक्ष, संघटनांच्या कार्यकर्त्यांच्या जाचहाटातून चांगलीच सुटका झाली असल्याचे मानण्यात येते. गेल्या २५ दिवसात एकही पदाधिकारी सर्किट हाऊसकडे फिरकला नसल्यामुळे एरव्ही चार आण्याच्या कोंबडीसाठी बारा आण्याचा मसाला आणायला लागणाऱ्या कर्मचाऱ्यांनी मात्र निश्वास सोडला आहे.
सातारा येथील सदर बझार येथे ब्रिटिश कालीन ऐतिहासिक वास्तूची उभारणी करण्यात आली होती. ब्रिटिशांना विश्रांती करण्यासाठी या वास्तूची निर्मिती प्रामुख्याने करण्यात आली होती. कालांतराने सार्वजनिक बांधकाम विभागाच्या अखत्यारित या वास्तूला सर्किट हाऊसचा दर्जा देण्यात आला. विविध पक्षाचे केंद्रीय मंत्री, खासदार, मंत्री, आमदारांसाठी हे सर्किट हाऊस राखीव ठेवण्यात आले. त्यांच्या दिमतीसाठी खान साब आणि पुरेसा कर्मचारी वर्ग नेमण्यात आला.
गेल्या काही वर्षांमध्ये विविध राजकीय पक्षांच्या, संघटनेच्या पदाधिकाऱ्यांचा वावर मोठ्या प्रमाणावर वाढू लागला. पत्रकार परिषदा, बैठका, जेवणावळी झडू लागल्या. दिवसेंदिवस या प्रमाणात मोठ्या प्रमाणावर वाढ होऊ लागली. ऊठसूट कोणीही याठिकाणी येत विविध संघटनांची नावे सांगून पाव्हुणचार झोडू लागले. कर्मचाऱ्यांनी विरोध केलाच तर साहेब, बाबा, दादा, बापू अशा बड्या नेत्यांची नावे घेऊन, वेळप्रसंगी तेथील कर्मचाऱ्यांची बोळवण करण्यात येत होती. असे काही आपणच पक्षाचे राष्ट्रीय अध्यक्ष असल्याचा आव आणत अनेक जण कर्मचाऱ्यांना सुट उघडून दे, पाणी आण, स्पेशल चहा पाठव असे फर्मान सोडू लागल्यामुळे तेथील कर्मचाऱ्यांना नोकरी कमी आणि लष्कराच्या भाकरी जास्त भाजाव्या लागत होत्या. तक्रार अथवा विरोध केल्यास आपली नोकरी जाईल या भीतीने तेथील कर्मचारी तोंड दाबून बुक्क्याचा मार सहन करत होते.
एखाद्या पक्षाच्या पदाधिकाऱ्यांनी सर्किट हाऊस येथे पत्रकार परिषद घेतल्यास तेथील कर्मचाऱ्यांना त्याबाबत माहिती नसायची हा सर्किट हाउसचा इतिहास आहे. उलटेच माध्यमांच्या प्रतिनिधींकडे आज कोणाची पत्रकार परिषद आहे, अशी विचारणा करण्याची वेळ त्यांच्यावर येत असे यावरूनच विविध पक्षाच्या पदाधिकाऱ्यांनी सर्किट हाऊसच्या अटी नियम व शर्ती कशा बासनात गुंडाळून ठेवल्या आहेत. हे पाहायला मिळत होते.
या सर्व घटना घडत असतानाच साताऱ्यात कोरोनाच्या पार्श्वभूमीवर संचारबंदी म्हणजेच लॉक डाऊन जाहीर करण्यात आला. सर्वच राजकीय पक्ष आणि विविध संघटनांच्या राजकीय उपक्रमांना आपोआपच खो बसला. खबरदारीचा उपाय म्हणून कार्यकर्त्यांनी सर्किट हाऊसकडे पाठ फिरवली. पत्रकार परिषदा, बैठका, मेळावे, दौरै यांना पूर्णविराम मिळाल्यामुळे लॉक डाऊन उठेपर्यंत का होईना कार्यकर्त्यांच्या जाच हाटातून सर्किटाऊसची मुक्तता झाली. चार आण्याच्या कोंबडीसाठी बारा आण्याचा मसाला आणण्यासाठी कर्मचाऱ्यांना करावी लागणारी पायपीट ही थांबल्यामुळे त्यांनी निश्वास सोडला आहे.
मुख्यमंत्री माझी लडकी बहीण योजना तालुकास्तरीय आढावा समितीच्या सदस्य पदी नानासो उर्फ पिंटूशेठ इवरे |
आदेशाचे उल्लंघन केल्याप्रकरणी कॅफे मालकावर गुन्हा |
शासकीय कर्मचाऱ्यास धमकी दिल्याप्रकरणी एकाविरोधात तक्रार |
सातारा शहरासह तालुक्यातून चारजण बेपत्ता |
सातारा-रत्नागिरी बस सेवेबाबत प्रशासनाची अनास्था |
सैनिकांच्या कल्याणासाठी शासन कटिबध्द : पालकमंत्री शंभूराज देसाई |
आर्टिस्टिक सिंगल योगासन प्रकारामध्ये कु.सुभाषी शिंदे हिला रौप्य पदक |
रामकृष्ण सेवा मंडळातर्फे मंगळवारी शालेय साहित्य वाटप |
बिबटयाचा अधिवास पाटण तालुक्यात मोठया प्रमाणात |
सोन्या-चांदीच्या दागिन्यांसह मोबाईलची चोरी |
राहत्या घरातून युवती बेपत्ता |
नाल्यात पडल्याने एकाचा मृत्यू |
कैलास स्मशानभूमी पाण्याखाली |
फलोत्पादन, पुष्पोत्पादन, दुग्धोत्पादन पुरस्कारास मान्यता |
सातारा जिल्ह्यातील सातशे कुटुंबाचे सुरक्षित स्थलांतर |
सैनिकांच्या कल्याणासाठी शासन कटिबध्द : पालकमंत्री शंभूराज देसाई |
आर्टिस्टिक सिंगल योगासन प्रकारामध्ये कु.सुभाषी शिंदे हिला रौप्य पदक |
रामकृष्ण सेवा मंडळातर्फे मंगळवारी शालेय साहित्य वाटप |
बिबटयाचा अधिवास पाटण तालुक्यात मोठया प्रमाणात |
सोन्या-चांदीच्या दागिन्यांसह मोबाईलची चोरी |
राहत्या घरातून युवती बेपत्ता |
नाल्यात पडल्याने एकाचा मृत्यू |
कैलास स्मशानभूमी पाण्याखाली |
फलोत्पादन, पुष्पोत्पादन, दुग्धोत्पादन पुरस्कारास मान्यता |
सातारा जिल्ह्यातील सातशे कुटुंबाचे सुरक्षित स्थलांतर |
पालकमंत्री शंभूराज देसाई यांनी घेतला अतिवृष्टीचा आढावा |
सातारा जिल्ह्यात जोरदार पाऊस |
विकास सेवा सोसायटीच्या माध्यमातून शेतकऱ्यांची उन्नती होईल |
सरस्वती विद्यामंदिर कराड येथे गुरुपौर्णिमा उत्सव अतिशय आनंदात साजरा |
भुजंग खंदारे महावितरणच्या पुणे प्रादेशिक संचालकपदी रुजू |