हिवाळा सुरू होताच आपल्यात आळस जागृत होतो. त्यामुळे आपली शारीरिक क्रिया कमी होते. पण थंडीमुळे शरीर सक्रिय न ठेवणं खूप हानिकारक ठरू शकतं. कारण जेव्हा आपले शरीर थंडीत शारीरिकदृष्ट्या सक्रिय राहते, तेव्हा रोगप्रतिकारक शक्ती देखील मजबूत होते. याशिवाय शरीरात ऊर्जाही भरलेली असते. आज आम्ही तुम्हाला हिवाळ्यात स्वत:ला फिजिकली ॲक्टिव्ह ठेवण्यासाठी महत्त्वाच्या टिप्स सांगणार आहोत, जे तुमच्यासाठी खूप उपयोगी ठरू शकतात. चला तर मग जाणून घेऊया सविस्तर-

मॉर्निंग वॉक आवश्यक : 

जर तुम्हाला हिवाळ्यात स्वतःला सक्रिय ठेवायचे असेल तर तुम्ही रोज मॉर्निंग वॉक करणे गरजेचे आहे. यामुळे तुमच्यात ताजेपणाही येईल आणि तुम्ही एनर्जीने परिपूर्ण असाल. सूर्योदय होत असताना सकाळी 6 ते 8 या वेळेत मॉर्निंग वॉक करण्याचा प्रयत्न करा. कारण जेव्हा सूर्याची किरणे तुमच्यावर पडतात, तेव्हा तुमची हाडे मजबूत होतातच, शिवाय तुमची रोगप्रतिकारक शक्तीही सुधारते. सकाळच्या उन्हात 10 मिनिटे उभे राहावे.

वेळेवर झोप :

थंडीत उठायला आपल्याला आळस वाटतो. ज्याचे कारण म्हणजे झोप न लागणे. तुम्ही वेळेवर झोपलात तर सकाळी उठण्यात कोणतीही अडचण येणार नाही. जर तुम्हाला पुरेशी झोप मिळाली तर तुम्ही आपोआप शारीरिकदृष्ट्या सक्रिय राहाल.

योग करा :

थंडीच्या दिवसात शरीराला स्ट्रेचिंगची सर्वाधिक गरज असते. खरं तर, हिवाळ्यात रक्त प्रवाह कमी होतो आणि स्नायू कडक होऊ लागतात. योगा आणि स्ट्रेचिंगमुळे शरीरात लवचिकता टिकून राहते. यामुळे रक्ताभिसरण सुधारते. तुम्ही सूर्यनमस्कार, त्रिकोनासन आणि ताडासन यासारखी योगासने करू शकता. यामुळे तुमच्या शरीरात उष्णता टिकून राहते.

हायड्रेटेड रहा :

आपण अनेकदा थंडीच्या दिवसात पाणी पिणे कमी करतो. जे आरोग्याच्या दृष्टीकोनातून चांगले नाही. उन्हाळ्यात जेवढे हिवाळ्यात शरीराला हायड्रेट ठेवणे गरजेचे आहे. वास्तविक, पाणी पिल्याने शरीरातील चयापचय क्रिया चांगली राहते, ज्यामुळे शारीरिकदृष्ट्या सक्रिय राहण्यास मदत होते.

नृत्य हा सर्वोत्तम पर्याय :

जर तुम्हाला चालणे किंवा व्यायाम करता येत नसेल किंवा ते करण्याचा कंटाळा येत असेल तर नृत्य हा तुमच्यासाठी सर्वोत्तम व्यायाम असू शकतो. खरंतर डान्स करूनही फिट राहता येतं. नृत्यामुळे तुम्हाला मानसिक आराम मिळतो.

घरातील कामे करा :

जर तुम्ही उशिरा उठत असाल ज्यामुळे तुम्हाला व्यायाम करण्यासाठी किंवा फिरायला जाण्यासाठी वेळ मिळत नसेल तर घरातील कामात व्यस्त रहा. झाडू मारणे, धुणे, स्वयंपाक करणे, कपडे धुणे या गोष्टी देखील तुम्हाला शारीरिकदृष्ट्या सक्रिय राहण्यास मदत करतील.