सातारा : कोरेगाव-सातारा रोडवर क्षेत्रमाहुली येथील कृष्णा नदी पुलाजवळ दि.  20 रोजी सायंकाळी साडेसहा वाजण्याच्या सुमारास चार चाकी वाहनाने दुचाकीला धडक दिली यामध्ये एक जण जखमी झाला आहे. 

याबाबत पोलिसांनी दिलेली माहिती अशी केवल युवराज देवकर (वय २५ रा. आझाद चौक,कोरेगाव) हा त्याच्या दाजींना घेऊन जात असताना टोयाटो इटॉस (एम.एच. ११ सी.जी. १८८०) ने जोराची धडक दिली. यामध्ये फिर्यादीचे दाजी रोहित हे जखमी झाले. त्यानंतर चारचाकी चालकाने दुचाकी चालकाला शिवीगाळ केली. जखमींना कोणतीही वैद्यकीय मदत न करता घटनास्थळावरून पळ काढला. 

धडक बसल्याने रोहित हे रस्त्यावर पडल्याने त्यांच्या पायाला गंभीर दुखापत झाली तसेच दुचाकीचे नुकसान देखील झाले याप्रकरणी सातारा शहर पोलीस ठाण्यात अपघातप्रकरणी चारचाकी चालकावर गुन्हा दाखल करण्यात आला आहे. अधिक तपास पोलीस हवालदार कारळे करत आहेत.