सातारा : विधानसभा निवडणूकीच्या पार्श्वभूमीवर सातारा तालुका पोलिसांनी सशस्त्र संचलनासह ठिकठिकाणी कोम्बिंग ऑपरेशन राबवले. निवडणूक प्रक्रिया कायदा व सुव्यवस्था अबाधित राखून व्हावीत, यासाठी पोलिसांनी झाडाझडती घेण्यास सुरुवात केली आहे.

याबाबत पोलिसांनी दिलेली माहिती अशी, सातारा तालुका पोलीस ठाण्याचे पोनि निलेश तांबे यांच्या मार्गदर्शनाखाली दि. 8 व 9 नोव्हेबर रोजी पोलिसांनी संचलन व कोबींग ऑपरेशन घेतले. अंगापुर वंदन, अंगापुर तर्फ, तासगाव, वाढे, वडुथ, आसगाव, शिवथर, आरफळ, आरळे, मालगाव, न्हाळेवाडी याठिकाणी संचलन घेण्यात आले. यामध्ये सातारा तालुका पोलीस ठाण्याकडील 3 पोलीस अधिकारी, 25 कर्मचारी, सीमा सुरक्षा बल गटाचे 2 अधिकारी व 18 पोलीस अंमलदार तसेच पोलीस मुख्यालय सातारा कडील आरसीपी प्लाटुन असे लाठी, हेल्मेट व शस्त्रासह उपस्थित होते. संचलनावेळी 3 शासकीय वाहनांचा वापर करण्यात आला. दरम्यान, दि. 8 नोव्हेबर रोजी फडतरवाडी येथे पारधी वस्तीमध्ये कोबींग ऑपरेशन घेण्यात आले आहे.