सातारा :  सैदापूर, ता. कराड येथे भरधाव डंपरने दुचाकी ला पाठीमागून जोरदार धडक दिल्याने झालेल्या अपघातात निवृत्त शिक्षकाचा मृत्यू झाला तर या घटनेत त्या शिक्षकाची पत्नी गंभीर जखमी झाली आहे. याप्रकरणी डंपर चालक शशिकांत शिवाजी फल्ले, रा. वाघेरी, ता. कराड याच्यावर पोलीस ठाण्यात गुन्हा दाखल झाला आहे. 

याबाबत मिळालेली माहिती अशी, आज सकाळी बाबासाहेब शामराव तपासे, वय ६३, रा. रविवार पेठ, कराड हे पत्नी श्रीमंतिनी तपासे यांच्यासह दुचाकीवरून ओगलेवाडी येथे एका कार्यक्रमासाठी निघाले होते. दुचाकी सैदापूर येथील लक्ष्मी गार्डन हॉटेल समोर येताच पाठीमागून आलेल्या भरधाव डंपरणे दुजाकीला धडक दिल्याने झालेल्या अपघातात बाबासाहेब तपासे यांचा मृत्यू झाला तर त्यांची पत्नी गंभीर जखमी झाली असून त्यांच्यावर खाजगी रुग्णालयात उपचार सुरू आहेत.