सातारा : सातारा शहरात रमजान ईद मोठ्या उत्साहात आणि भक्तीभावाने साजरी करण्यात आली. सकाळी सदरबाजार येथील जामा मशीद येथून ईदगाहपर्यंत जुलूस काढण्यात आला होता.

यानंतर सदर बाजार येथील ईदगाह मैदान तसेच गेंडामाळ येथील ईदगाह मैदानावर मोठ्या संख्येने मुस्लिम बांधवांनी एकत्र येऊन ईदची नमाज अदा केली. नमाजानंतर सध्या सुरू असलेल्या युद्धजन्य परिस्थितीचा अंत होऊन देशात व जगात शांतता प्रस्थापित व्हावी, तसेच भारत देश अधिक बलवान, सुख-समृद्ध व्हावा यासाठी विशेष प्रार्थना करण्यात आली.

शहरातील विविध मशिदींमध्येही ईदची नमाज अदा करण्यात आली. यानंतर सर्वांनी एकमेकांना “ईद मुबारक”च्या शुभेच्छा देत आनंद साजरा केला. यावेळी सदरबाजार मशिदीचे मौलाना नूरी अहमद अन्सारी यांनी संपूर्ण मानवजातीच्या कल्याणासाठी आणि विश्वशांतीसाठी प्रार्थना केली.