सातारा : सातारा शहर परिसरात दोन ठिकाणी चोरट्यांनी घरफोड्या केल्या. संगमनगर व तामजाईनगर येथे चोर्‍या झाल्या आहेत. याप्रकरणी सातारा शहर पोलीस ठाणे व शाहूपुरी पोलीस ठाण्यात गुन्हे दाखल करण्यात आले आहेत.
याबाबत पोलिसांनी दिलेली माहिती अशी, संगमनगर, सातारा येथे अज्ञात चोरट्यांनी घरफोडी करुन घरातून रोख 1500 रुपयांची रक्कम व इतर साहित्य असा मुद्देमाल चोरुन नेला. ही घटना 22 ते 24 नोव्हेबर या दरम्यान घडली आहे. याप्रकरणी बेगम नजीर शेख (वय 76, रा.संगमनगर) यांनी सातारा शहर पोलीस ठाण्यात तक्रार दिली आहे.
दुसरी तक्रार परवीन सिकंदर भालदार (वय 54, रा. तामजाईनगर, सातारा) यांनी शाहूपुरी पोलीस ठाण्यात तक्रार दिली आहे. ही घटना दि. 23 ते 26 नोव्हेबर या कालावधीत घडली आहे. चोरट्यांनी बंद घराचे कुलुप तोडून घरातून चांदीचे 8 वाळे, 10 पैंजण जोड, 8 बिंदी जोड, सोन्याच्या रिंगा, वेढणे, सोन्याचे मणे ओवलेल्या तारा असा एकूण 70 हजार रुपये किंमतीचे दागिने चोरुन नेले आहेत.
ताज्या घडामोडींसाठी व्हॉट्सॲप चॅनेलला फॉलो करा !
