सातारा : संकल्प फाउंडेशनच्यावतीने महाराष्ट्र राज्य पुरस्कार पटकावणारे सावली, ता. सातारा येथील सार्वजनिक क्रीडा गणेशोत्सव मंडळ येथे रविवार दि. १५ रोजी खास महिलांसाठी 'होम मिनिस्टर, खेळ पैठणीचा' या कार्यक्रमाचे आयोजन केले आहे.

सार्वजनिक क्रीडा गणेशोत्सव मंडळाने गेले ४० वर्षे सामाजिक भान ठेवून आपण किती आधुनिक विचारांचे आहोत हे सिद्ध केले आहे. वर्गणीमुक्त गणेशोत्सव, डॉल्बी व गुलाल विरहित, पारंपरिक मिरवणूक, पर्यावरण पूरक सजावट केली जात आहे. सलग पाच वर्षे गणराया अवॉर्ड जिंकला आहे. असे असताना आता संकल्प फाउंडेशनच्यावतीने मुंबईतील फेमस भाऊजी नयन निकम यांचा खास महिलांसाठी होम मिनिस्टर खेळ पैठणीचा हा कार्यक्रम ठेवण्यात आला आहे. रविवार दि. १५ रोजी रात्री ७ ते १० यावेळी सावलीचा राजा गणेश मंडळ, विधी सभागृह येथे हा कार्यक्रम होणार आहे. तरी कार्यक्रमाचा लाभ घेण्याचे आवाहन फाउंडेशनचे अध्यक्ष प्रवीण जाधव यांनी केले आहे.