सातारा   : जिल्ह्यातील सर्व शासकीय, निमशासकीय व खाजगी आस्थापनांनी तसेच जिल्ह्यातील सार्वजनिक व खाजगी क्षेत्रातील आस्थापनांनी त्यांच्याकडे काम करीत असलेल्या कर्मचाऱ्यांची माहिती पुरुष, स्त्री, एकूण ( त्रैमासिक विवरणपत्र ईआर-1) सेवायोजन कार्यालयास ऑनलाईन सादर करणे कायद्याने बंधनकारक आहे.

जिल्हयातील शासकीय, निमशासकीय तसेच खाजगी आस्थापनांनी कौशल्य विकास रोजगार व उद्योजकता विभागाच्या वेबपोर्टलवर आपल्या कार्यालयामध्ये कार्यरत पुरुष, स्त्री मनुष्यबळाची डिसेंबर 2025 अखेरची माहिती तिमाही विवरणपत्र (ईआर-1) आपला युजर आयडी व पासवर्डच्याद्वारे दि. 1 ते 31 जानेवारी 2026 पर्यंत ऑनलाईन सादर करावी. या संदर्भात काही समस्या असल्यास, अधिक माहितीसाठी जिल्हा कौशल्य विकास रोजगार व उद्योजकता मार्गदर्शन केंद्र, नवीन प्रशासकीय इमारत, सातारा येथे अथवा कार्यालयाच्या 02162-239938 येथे संपर्क साधावा असे आवाहन जिल्हा कौशल्य विकास रोजगार उद्योजकता केंद्र, सातारचे सहायक आयुक्त सुनिल पवार यांनी केले आहे.