सातारा : फलटण शहरातील कोयता गँग ने आज दुपारी दहशत माजवित व्यापार्‍यांना कोयत्याचा धाक दाखवून त्यांच्या दुकानातील गल्ले रिकामे केले आहेत. याबाबतची फिर्याद घेण्याचे काम फलटण शहर पोलीस ठाण्यात सुरु आहे.

सातारा शहरापाठोपाठच फलटण शहरातही कोयता गँग ने आपली पाळेमुळे रोवल्याचे आज दिसून आले. दुपारच्या सुमारास या युवकांनी बाजारपेठेतील एका व्यापार्‍याकडे पैशांची मागणी केली. मात्र, त्याने पैसे दिले नाहीत. यानंतर एका वृद्ध व्यापार्‍याच्या दुकानात घुसून कोयत्याचा धाक दाखवित त्यांच्या दुकानातील गल्ला कोयता गँग ने रिकामा केला आहे. ही घटना सीसीटीव्हीमध्ये रेकॉर्ड झाली आहे. या गुन्ह्याबाबतची फिर्याद नोंदविण्याचे काम फलटण शहर पोलीस ठाण्यात सुरु असून या गुन्हेगारांच्या तपासप्रकरणी जिल्ह्याच्या विविध ठिकाणी शोध पथके पाठविण्यात आली असून संबंधितांचा शोध घेण्याचे काम सुरु आहे.