सातारा : येथील श्रीरामकृष्ण सेवा मंडळातर्फे मंगळवार दि. ७ मे ते १२ मे या कालावधीत स्वामी विवेकानंद बालसंस्कार शिबीराचे आयोजन करण्यात आले आहे. या शिबिरात योगासने, ध्यान, स्त्रोतपाठ, खेळ, नाश्ता, विविध विषयांवर तज्ञांचे मार्गदर्शन होणार आहे.

शिबिरासाठी पहिली ते दहावीपर्यंत मुलांची वयोमर्यादा आहे. शिबीर दररोज सकाळी ७ ते ९.३० यावेळेत होणार असून नावनोंदणी श्रीरामकृष्ण सेवा मंडळात सायंकाळी ६ ते ७.३० या वेळेत करावी. शिबिरासाठी नावनोंदणी ६ मे पर्यंत करायची असून मुलांनी येताना वही-पेन व रुमाल घेऊन यावेत.  श्रीरामकृष्ण सेवा मंडळाच्यावतीने दर रविवारी ९ ते १० बालसंस्कार वर्ग सुरु असतो त्यातही सहभागी होण्याचे आवाहन सेवा मंडळाच्यावतीने करण्यात आले आहे.