सातारा : शिवथर, ता. सातारा गावच्या हद्दीतील हॉटेल समर्थच्या जवळ सातारा ते वाठार जाणार्‍या सार्वजनिक रस्त्यावर अपघात झाल्याप्रकरणी अज्ञात कंटेनर चालकावर गुन्हा दाखल झाला आहे. ही घटना दि. 7 रोजी घडली आहे.
याबाबत पोलिसांनी दिलेली माहिती अशी, सातारा तालुका पोलीस ठाण्यात आयुष वैभव महाजन (वय 22, रा. पिंपोडे बुद्रुक, ता. कोरेगाव) याने फिर्याद दिली असून, टाटा कंपनीचा कंटेनर (एमएच 12 व्हीटी 1916)वरील अज्ञात चालकावर गुन्हा दाखल झाला आहे. या अपघातात दुचाकीवरील सौ. रुपाली वैभव महाजन (वय 45, रा. पिंपोडे) यांना गंभीर दुखापत झाली आहे. अपघातानंतर कंटेनर चालकाने तेथून धूम ठोकली. पोलीस हवालदार मोरे तपास करत आहेत.