सातारा  : रयत शिक्षण संस्थेमध्ये विविध पदावर नोकरी लावण्याचे अमिष दाखवून १९ जणांची ३८ लाख ४० हजार रुपयांची फसवणूक केल्याप्रकरणी भाजप पदाधिकाऱ्याच्या पतीवर शहर पोलिस ठाण्यात गुन्हा दाखल झाला आहे.

सदाशिव कल्लपा नाईक (रा. तासगाव, ता. सातारा) असे त्याचे नाव आहे. याबाबत नंदकुमार शंकर पाटोळे (रा. भवानीनगर, ता. वाळवा, जि. सांगली) यांनी फिर्याद दिली आहे. रयत शिक्षण संस्थेमध्ये विविध पदावर नोकरी लावतो असे सांगून नाईक याने २०२२ ते २०२३ या कालावधीत १९ जणांकडून ३८ लाख ४० हजार रुपये घेतले. त्यानंतर नोकरी लागल्याची नियुक्तीपत्रे त्याने दिली. परंतु, ही प्रमाणपत्र बनावट असल्याचे समोर आले. त्यानंतर वेळोवेळी मागणी करूनही त्याने पैसे परत न देता फसवणूक केल्याचे पाटोळे यांनी फिर्यादीत म्हटले आहे. उपनिरीक्षक राठोड तपास करत आहेत.