सातारा : बोगस बियाणे विक्री प्रकरणी एकावर सातारा तालुका पोलीस ठाण्यात गुन्हा दाखल करण्यात आला आहे.
याबाबत पोलिसांनी दिलेली माहिती अशी, दिनांक 18 ऑगस्ट 2022 रोजी दोन वाजण्याच्या सुमारास साबळेवाडी तालुका सातारा गावच्या हद्दीत असलेल्या प्रवीण प्रभाकर पवार यांच्या श्रीकृष्ण कृषी भांडार येथे बियाणांची तपासणी केली असता पवार यांनी अस्तित्वात नसलेल्या गार्गी सीड्स या कंपनीची बोगस मका बियाणे विक्रीसाठी ठेवल्याचे आढळून आले. याप्रकरणी प्रवीण पवार आणि गार्गी सीड्स, बेंगलोर ऑफिस, बेंगलोर येथील अज्ञात व्यक्तीवर सातारा तालुका पोलीस ठाण्यात गुन्हा नोंद करण्यात आला आहे. अधिक तपास पोलीस उपनिरीक्षक देशमाने करीत आहेत.