ते पुढे म्हणाले, डॉ. बाबासाहेब आंबेडकर सामाजिक सप्ताह निमित्त 8 ते 14 एप्रिल या सप्ताहात विविध कार्यक्रम होत आहेत. यामध्ये 9 एप्रिल रोजी विविध शाळांमधून शासकीय कार्यालयामधून वक्तृत्व, निबंध, लघुनाट्य स्पर्धा होत असून डॉ. बाबासाहेब आंबेडकर यांच्या विचारांवर आधारित या स्पर्धा होणार आहेत. त्यांना विशेष बक्षिसे दिली जाणार आहेत. 10 एप्रिल रोजी पथनाट्य लघुनाटिकाद्वारे सामाजिक न्याय विभागाच्या माध्यमातून सुधारणा तसेच मार्जिन मनी योजनेअंतर्गत पात्र लाभार्थ्यांना अनुदान वाटप दिनांक 11 एप्रिल रोजी क्रांतीसुर्य महात्मा ज्योतिबा फुले यांची जयंती साजरी करणे आणि फुले यांच्या सामाजिक कार्याविषयी जाहीर कार्यक्रमांचे आयोजन होणार आहे. 12 एप्रिल रोजी संविधान निर्मिती अनुच्छेद विशेषतः मूलभूत अधिकार, मूलभूत कर्तव्य या विषयी व्याख्यान दिले जाणार आहे. दिनांक 13 एप्रिल रोजी सर्व शाळा, महाविद्यालय येथे जनजागृती शिबिरे, ज्येष्ठ नागरिकांचा मेळावा, आरोग्य उपचार शिबिर आयोजित केले जाणार आहे.