सातारा : अपघातात जखमी केल्याप्रकरणी ट्रॅक्टर चालकाविरोधात सातारा तालुका पोलीस ठाण्यात गुन्हा दाखल करण्यात आला आहे.

याबाबत पोलिसांनी दिलेली माहिती अशी, दि. 16 रोजी दुपारी पावणे पाच वाजण्याच्या सुमारास आरफळ, ता. सातारा येथील हॉटेल मराठा दरबार च्या समोर यशवंत खाशाबा आवारे रा. रेवडी, ता. कोरेगाव हे त्यांची रिक्षा घेऊन जात असताना ट्रॅक्टर क्र. एमएच 16 एएम 0932 च्या अज्ञात चालकाने त्याच्या ताब्यातील ट्रॅक्टर भरधाव वेगात अचानक आवारे यांच्या रिक्षासमोर थांबवला. त्यामुळे ट्रॅक्टरच्या पाठीमागील ट्रॉलीस आवारे यांच्या रिक्षाची धडक झाल्याने रिक्षा पलटी होऊन रिक्षामधील प्रवासी जखमी झाले. अधिक तपास पोलीस हवालदार वायदंडे करीत आहेत.