फलटण : फलटण तालुक्यातील मौजे पवारवाडी येथे आत्महत्येस प्रवृत्त केल्या प्रकरणी फलटण ग्रामीण पोलीस ठाण्यात पती-पत्नीसह त्यांच्या मुलांवर पोक्सो कायद्याच्या अंतर्गत गुन्हा दाखल करण्यात आला आहे.

याबाबत फलटण ग्रामीण पोलीस ठाण्यातून मिळालेली माहिती अशी, संशयित आरोपी सुखदेव मिंड व त्यांची पत्नी राधा सुखदेव मिंड यांना फिर्यादी यांची भाची पिडीत ही अल्पवयीन आहे, हे माहीत असताना सुध्दा त्यांनी त्यांचा मुलगा गणेश सुखदेव मिंड यास तिला लग्नाचे अमिष दाखवून प्रेम संबंध निर्माण करण्यास लावले. त्यातुन गणेश सुखदेव मिंड याने गुरुवारी दिनांक २१ ऑगस्ट रोजी पिडीतेस फुस लावुन फलटणला नेऊन तिच्यावर तिच्या इच्छेविरुद्ध जबरदस्तीने शारिरीक संबध करून त्याने फिर्यादी यांच्या भाची सोबत लग्न करण्यास नकार दिला. ही बाब पिडीतेने तिच्या बहीणस सांगितल्यावर त्या दोघींनी शुक्रवार दिनांक २२ ऑगस्ट रोजी सकाळी ०९ वाजण्याच्या पुर्वी पवारवाडी गावच्या हद्दीत असलेल्या बहीणीच्या शेतातील विहरीमध्ये उड्या मारून आत्महत्या केली आहे. याबाबत फलटण ग्रामीण पोलीस ठाण्यात सुखदेव मिंड, राधा सुखदेव मिंड व गणेश सुखदेव मिंड यांच्या विरोधात आत्महत्येस प्रवृत्त केल्या प्रकरणी फलटण ग्रामीण पोलीस ठाण्यात गुन्हा दाखल करण्यात आला आहे. अधिक तपास फलटण ग्रामीण पोलीस ठाण्याचे सहाय्यक पोलिस निरीक्षक रानगट हे करीत आहेत.