पुसेगाव  : श्री स्वामी विवेकानंद शिक्षण संस्था कोल्हापूर संचलित श्री नागनाथ माध्य व उच्च माध्यमिक विद्यामंदिर बुध विद्यालयाचा माजी विद्यार्थी शंभूराज राजेघाटगे यांची इंडियन एअरफोर्समध्ये स्पर्धा परीक्षा मधून निवड झाली. त्याबद्दल विद्यालायाचे प्राचार्य अंकुश भांगरे यांच्या हस्ते विद्यालयाच्या व संस्थेच्यावतीने शाल, श्रीफळ व पुष्पगुच्छ देऊन सत्कार करण्यात आला.

यावेळी शंभूराज घाटगे यांनी इंडियन एअरफोर्समध्ये भरती होण्यासाठी स्पर्धा परीक्षेची तयारी व त्यानंतर द्याव्या लागणाऱ्या चाचण्या या संदर्भात माहिती सांगितली. सातत्याने केलेले प्रयत्न, विद्यालयातील गुरुजणांचा आशिर्वाद व आई-वडील व बंधु अर्थव राजेघाटगे यांनी दिलेली प्रेरणा यामुळे हे यश मिळवणे शक्य झाले आहे असे आपल्या मनोगत व्यक्त करताना सांगितले.

यावेळी शंभूराजचे वडील पत्रकार प्रकाश राजेघाटगे यांचा  पर्यवक्षेक नाना दडस यांच्या हस्ते गुलाबपुष्प बुके देऊ सत्कार करण्यात आला. प्रकाश राजेघाटगे यांची दोन्ही मुले अर्थव व शंभूराज नेव्ही व एअरफोर्समध्ये नोकरी मिळवून आईवडीलांचे स्वप्न साकार केले आहे.  विद्यालयासाठी ही अभिमानाची व आनंदाची गोष्ट आहे  असे भगवान सरवदे यांनी सांगितले. विद्यालयातील प्राचार्य, प्राध्यापक शिक्षक -शिक्षीका शिक्षकेत्तर कर्मचारी व विद्यार्थी तसेच बुध व बुध पंचक्रोशीतीलतील ग्रामस्थाच्यावतीने शंभूराजचे अभिनंदन करण्यात आले. कार्यक्रमाचे सुत्रसंचलन भगवान सरवदे यांनी केले,तर आभार तानाजी पाटील यांनी मानले.