सातारा : जकातवाडी येथून २२ वर्षीय युवती बेपत्ता झाली असल्याची फिर्याद शाहूपुरी पोलीस ठाण्यात बुधवारी दाखल करण्यात आली आहे. निकिता देविदास जाधव (रा. जकातवाडी) ही खासगी नोकरीस असून शनि मारुती मंदिराशेजारी असलेल्या शगुणा ब्युटी पार्लरमध्ये कामाला जात असल्याचे भावाला सांगून घरातून निघून गेली आहे. ती अद्याप माघारी न आल्याने तिचे रिक्षा व्यवसाय करणारी वडील देविदास बबन जाधव (वय ५०,रा. जकातवाडी) यांनी शाहूपुरी पोलीस ठाण्यात फिर्याद दिली असल्याची माहिती पोलिसांनी दिली असून अधिक तपास पोलीस हवालदार वाघ करत आहेत.