सातारा : सातारा ते ठाणे या दरम्यान प्रवास करत असताना अज्ञाताने पर्समधील सुमारे 3 लाख 8 हजार रुपयांचे दागिने लंपास केले. याप्रकरणी सातारा शहर पोलीस ठाण्यात अज्ञाताविरोधात गुन्हा दाखल झाला आहे. याबाबत पोलिसांनी दिलेली माहिती अशी, ही घटना दि. 11 नोव्हेबर रोजी घडली आहे. याप्रकरणी सुनील नथुराम कदम (वय 45, रा. मुंबई) यांनी पोलीस ठाण्यात तक्रार दिली आहे. अज्ञात चोरट्याने बॅगमधून मंगळसूत्र, नेकलेस, राणीहार, सोन्याची चैन, कर्णफुले, अंगठ्या असा ऐवज चोरुन नेला. ही घटना समोर आल्यानंतर तक्रारदार यांनी सातारा शहर पोलीस ठाण्यात तक्रार दिली.