सातारा : सातारा शहरात घडलेल्या दोन वेगवेगळ्या घटनांमध्ये दोन अल्पवयीनांचे अपहरण केल्याप्रकरणी अज्ञातांविरोधात संबंधित पोलीस ठाण्यांमध्ये गुन्हे दाखल करण्यात आले आहेत.

याबाबत पोलिसांनी दिलेली माहिती अशी, दि. 13 रोजी सायंकाळी आठ वाजण्याच्या सुमारास कोडोली सातारा येथून एका अल्पवयीन मुलीचे अज्ञाताने अपहरण केल्याची फिर्याद सातारा शहर पोलीस ठाण्यात नोंदविण्यात आली आहे. अधिक तपास महिला पोलीस उपनिरीक्षक जैस्वाल करीत आहेत.

दुसऱ्या घटनेत, दि. 14 रोजी दुपारी चार ते पावणेसहा वाजण्याच्या दरम्यान सातारा शहर परिसरात राहणाऱ्या एका अल्पवयीन मुलाचे अज्ञाताने अपहरण केल्याची फिर्याद शाहूपुरी पोलीस ठाण्यात दाखल करण्यात आली आहे. अधिक तपास पोलीस उपनिरीक्षक गोवेकर करीत आहेत.