हृतिक रोशन आणि ज्युनियर एनटीआरचा ‘वॉर २’ हा ॲक्शन चित्रपट सिनेमागृहात प्रदर्शित झाला आहे. चित्रपट पाहिल्यानंतर प्रेक्षक एक्स अकाउंटवर पोस्ट शेअर करत आहेत. चित्रपट पाहिल्यानंतर चाहते वेगवेगळ्या प्रकारच्या प्रतिक्रियाही देत आहेत. प्रेक्षक पहिल्यांदाच ज्युनियर एनटीआर आणि हृतिक रोशनला मोठ्या पडद्यावर पाहत आहेत. काही चाहते तर ज्युनियर एनटीआरच्या एन्ट्रीवर नाचू लागले. त्यांच्यासोबतच चित्रपटाची मुख्य अभिनेत्री कियारा अडवाणी देखील पहिल्यांदाच पडद्यावर ॲक्शन करताना दिसली आहे. चित्रपट पाहिल्यानंतर प्रेक्षकांनी काय म्हटले हे आपण आता जाणून घेणार आहोत.

चित्रपट पाहताना ज्युनियर एनटीआरचे काही चाहते थिएटरमध्येच नाचू लागले. एका वापरकर्त्याने लिहिले की, ‘हा चित्रपट एक उत्तम ॲक्शन थ्रिलर चित्रपट आहे. हा आतापर्यंतच्या स्पाय युनिव्हर्समधील सर्वोत्तम चित्रपट आहे. त्याच वेळी, तो थिएटरमध्ये बराच काळ चालू शकतो. ज्युनियर एनटीआर आणि हृतिक रोशनची एन्ट्री अद्भुत आहे.’ असे लिहून अनेक चाहत्याने चित्रपटाचे कौतुक केले आहे.

दुसऱ्या एका युजरने लिहिले की, ‘वॉर २ हा खूप वाईट चित्रपट आहे. चित्रपटात फक्त मोठ्या आवाजातील संगीत आणि स्लो मोशन एन्ट्रीजवर लक्ष वेधले गेले आहे. ज्युनियर एनटीआर ठीक दिसतो पण हृतिक रोशनचा अभिनय कंटाळवाणा होता. हा अलीकडेच प्रदर्शित झालेला सर्वात कमकुवत अ‍ॅक्शन चित्रपट आहे.’ असे लिहून चाहत्यांनी निराशा व्यक्त केली आहे.

तिसऱ्या वापरकर्त्याने लिहिले, ‘फक्त हृतिक रोशनच या चित्रपटाला वाचवू शकतो. हा पूर्णपणे कंटाळवाणा चित्रपट आहे.’ चौथ्या वापरकर्त्याने लिहिले, ‘या चित्रपटाचा क्लायमॅक्स अजूनही माझ्या मनात आहे. मुख्य कलाकारांनी चांगला अभिनय केला आहे. व्यापार तज्ज्ञ तरण आदर्श यांनीही चित्रपटाचे पुनरावलोकन केले आणि म्हटले की हा चित्रपट पूर्णपणे निराशाजनक आहे. चित्रपटात फक्त वाईट VFX, खराब संवाद आणि कंटाळवाणा अभिनय दाखवण्यात आला. ज्युनियर एनटीआरच्या सावलीत हृतिक रोशन कुठेतरी हरवला.’ असे लिहून अनेक प्रेक्षकानी चित्रपटाचे कौतुक केले तर काहींनी निराशा व्यक्त केली आहे.

चित्रपटात ज्युनियर एनटीआर हिरो म्हणून नव्हे तर खलनायकाच्या भूमिकेत पडद्यावर दिसणार आहे. त्याचबरोबर, पहिल्यांदाच हृतिक रोशनसोबत त्याचे अ‍ॅक्शन सीन पडद्यावर दिसणार आहेत. ज्युनियर एनटीआर आणि हृतिक व्यतिरिक्त, कियारा अडवाणी देखील या चित्रपटात अ‍ॅक्शन सीन करताना दिसत आहे. तिने पहिल्यांदाच एखाद्या चित्रपटात अ‍ॅक्शन सीन केले आहेत.