सातारा : येथील श्यामसुंदरी रिलीजियस अँड चॅरिटेबल सोसायटीच्या के .एस. डी .शानभाग विद्यालय आणि जुनियर कॉलेजच्या बॉक्सिंग खेळाडूंनी स्पृहणीय यश मिळवले आहे.

नागपूर येथे सुरू असलेल्या मुलांच्या राज्य अजिंक्यपद बॉक्सिंग स्पर्धेत शानभाग विद्यालयाचा खेळाडू वेदांत सुनील निकम याने उत्कृष्ट खेळाचे प्रदर्शन करत पिंपरी चिंचवड शहर विरोधी खेळाडू चा सामना तिसऱ्या राउंड मध्ये जिंकून उपांत्यपूर्व सामन्यामध्ये प्रवेश केला.

तसेच  शानभाग  महाविद्यालयाचा  खेळाडू पृथ्वीराज पंकज शिंदे याने उत्कृष्ट खेळाचे प्रदर्शन करत जळगाव शहर विरोधी खेळाडूचा सामना पहिल्या राउंड मध्ये जिंकून उपांत्यपूर्व  सामन्यामध्ये प्रवेश केला. त्याबद्दल मनःपूर्वक अभिनंदन करण्यात आले तसेच त्याच्या पुढील वाटचालीसाठी शाळेचे संस्थापक अध्यक्ष रमेश शानभाग, विश्वस्त सौ.उषा शानभाग, संचालिका सौ.आचल घोरपडे, मुख्याध्यापिका सौ.रेखा गायकवाड (माध्यमिक विभाग), मुख्याध्यापक भाग्येश कुलकर्णी (प्राथमिक विभाग) तसेच सर्व शिक्षक शिक्षकेतर कर्मचारी पालक यांनी अभिनंदन करून पुढील वाटचालीसाठी शुभेच्छा दिल्या आहेत. या खेळाडूंना विद्यालयाचे प्रशिक्षक ओम गाढवे सरांची मोलाची साथ आणि मार्गदर्शन मिळाले.