सातारा  : सातारा सिव्हील हॉस्पिटल येथून दि. 8 रोजी एक मोटारसायकल आणि दि. 12 रोजी शाहूनगर येथून 50 हजार रुपये किंमतीची स्पोर्ट सायकल चोरी झालेली होती. असे वेगवेगळे दोन गुन्हे सातारा शहर पोलीस ठाण्यात दाखल झाले होते.सातारा शहर गुन्हे प्रकटीकरण शाखेने चोरीचे गुन्हे 24 तासाच्या आत उघड केले आहेत. 

चोरटयांचा शोध घेवून हेे गुन्हे उघडकीस आणण्याबाबत वरिष्ठांनी मार्गदर्शन व सुचना डी.बी. पथकास केल्या होत्या. त्याप्रमाणे डी.बी.पथकाने गोपनीय माहिती व तांत्रिक माहितीच्या आधारे संशयित 19 वर्षीय युवकांना ताब्यात घेतले आहे. त्यांच्याकडे कसून चौकशी केली असता चोरट्यांची माहिती समोर आली,

सुदीप संजय मेंगळे (वय19) रा.लक्ष्मीटेकडी, सदरबझार व विकास प्रभाकर कोळी (वय.19) रा.वनवासवाडी, सातारा अशी अटक करण्यात आलेल्या आरोपींची नावे आहेत. त्यांच्याकडून चोरीची मोटारसायकल व स्पोर्ट सायकल असा एकूण 1 लाख रुपये किंमतीचा मुद्देमाल जप्त करण्यात आला आहे.

ही कारवाई पोलीस अधीक्षक तुषार दोशी, अप्पर पोलीस अधीक्षक डॉ. वैशाली कडुकर, उपविभागीय अधिकारी राजीव नवले, वरीष्ठ पोलीस निरीक्षक राजेंद्र मस्के यांच्या मार्गदर्शनाखाली गुन्हे प्रकटीकरण पथकाचे सहा.पोलीस निरीक्षक श्याम काळे, पोलीस उपनिरीक्षक सुधीर मोरे, पो. हवा. निलेश यादव, सुजित भोसले, निलेश जाधव, विक्रम माने, प्रवीण कडव, पो. ना.पंकज मोहिते, पो.कॉ. तुषार भोसले, सागर गायकवाड, सचिन रिटे, संतोष घाडगे, विशाल धुमाळ, मचिंद्रनाथ माने, आशिकेष डोळस, वैभव माने. सुशांत कदम, सुहास कदम यांनी केलेली आहे.