सातारा : भोंदवडे(पो. गजवडी ता. सातारा) गावातील पत्र्याचे शेड उचकटुन चोरट्याने काजुचा माल व 70 हजार रोख रक्कम लंपास केली आहे. याप्रकरणी विक्रम विश्वास शिंदे (वय 29) यांनी तालुका पोलीस ठाण्यात तक्रार दिली. पोलिसांनी दिलेली माहिती अशी, भोंदवडे गावात विक्रम शिंदे यांच्या कारखान्याचे पत्र्याचे शेड आहे. या शेड मध्ये त्यांनी काजुची पोती ठेवली होती. मंगळवार दि. 8 रोजी मध्यरात्री चोरट्याने पत्र्याचे शेड उचकटून आत प्रवेश केला. ही काजुची पोती व 70 हजार रूपये रोख रक्कम असा 1 लाख 60 हजारांचा मुद्देमाल चोरून नेला. याची माहिती मिळताच विक्रम यांनी तालुका पोलीस ठाण्यात तक्रार दिली. अधिक तपास पोलीस उपनिरीक्षक अभिजीत गुरव करत आहेत.