सातारा : काही लोकांना दुचाकीवरुन जात असताना स्टंटबाजी करण्याची फारच हौस असते. वेगळेच काही तरी करुन चकित करण्याचा त्यांचा प्रयोग असतो. पण काही वेळेस ती जीवावरही बेतली जाउ शकते, याची प्रचिती देणारा व्हीडीओ सध्या सातारा शहरात मोठ्या प्रमाणात चर्चिला जात आहे. 

याबाबतची अधिक माहिती अशी, रविवारी रात्री साताऱ्याीतल राजपथ येथून जाणाऱ्या एका युवकाने दुचाकी चालवत असताना अचानकपणे एका चाकावर गाडी चालवत स्टंटबाजी केली. अन त्याची ही स्टंटबाजी एकाने आपल्या कॅमेऱ्यात कैद केली आहे. आता ही दुचाकी नेमकी कोणाची, अन स्टंटबाजी करणारा युवक कोण याबाबत पोलिस माहिती घेत आहेत. 

भरधाव वेगात दुचाकी चालवत स्टंटबाजी करणाऱ्या या युवकाच्या दुचाकीला अपघात झालाच असता तर तो जीवावर बेतला गेला असता. शहरातील प्रमुख मार्गावर झालेल्या या स्टंटबाजीमुळे हा युवक नेमका कोण आहे, अन त्यावर कोणती कारवाई होणार, याबाबत सातारकरांमध्ये जोरदार चर्चा सुरु आहे.