सातारा : सातारा पालिकेने यंदा रेकॉर्ड ब्रेक 85 टक्के वसुली केली आहे. 52 कोटी पैकी तब्बल 44 कोटी 50 लाखाचा महसूल वसुली विभागाने राबवलेल्या विविध मोहिमांमुळे पालिकेच्या तिजोरीत जमा झाला आहे. या यशामध्ये प्रशासक मुख्याधिकारी अभिजीत बापट यांचा मोठा वाटा आहे. सातारा पालिकेला यांना पाणीपट्टी घरपट्टी शिक्षण कर रोजगार हमी मान्य प्रकारचे कर मिळून असे 52 कोटीचे उद्दिष्ट गाठावयाचे होते.

नवीन वर्ष सुरू होताच मुख्याधिकारी अभिजीत बापट यांनी कर वसुली मोहिमेला गती दिली. कर वसुलीसाठी शहर व हद्दवाढ भागात दहा पथकाची नेमणूक करण्यात आली. नागरिकांना वेळेत कर भरता यावा यासाठी माय सातारा हे ऍप आणि क्यूआर कोड उपलब्ध करून देण्यात आला. शहरातील बड्या थकबाकीदारांच्या मालमत्ता सील करून नळ कनेक्शन खंडित करण्यात आले. त्यामुळे अनेकजण कर भरण्यासाठी पुढे सरसावले. पालिकेच्या तिजोरीत यंदा 52 कोटी पैकी तब्बल 44 कोटी 50 लाखाचा महसूल जमा झाला. यापैकी शिक्षण कर व रोजगार हमी योजनेचे आठ कोटी रुपये शासनाला जमा केले जाणार आहेत.