फलटण : तब्बल ११० वर्षे वयाचे वृध्द गृहस्थ घरात पडल्याने त्यांच्या खुब्याचे हाड मोडून चार तुकडे झाल्याने प्रचंड वेदना आणि अत्यंत भयग्रस्त स्थितीत वृध्द रुग्ण, नातेवाईक जोशी हॉस्पिटलमध्ये दाखल झाले असताना डॉ. प्रसाद जोशी, त्यांच्या सहकाऱ्यांनी अत्यंत प्रतिकूल परिस्थितीत धोका पत्करुन केलेली शस्त्रक्रिया यशस्वी झाली आहे. या रुग्णाचे हृदय वयोमानाप्रमाणे कमकुवत झाले होते, हाडे ठिसूळ झाली होती, मात्र कोणत्याही परिस्थितीत शखक्रिया करणे अत्यंत गरजेचे असल्याने डॉ. प्रसाद जोशी यांनी निर्णय घेतला आणि शस्त्रक्रिया केली ती १०० टक्के यशस्वी सुध्दा झाली.

ग्रेड पाच औस्थेसियाचा धोका पत्करुन शखक्रिया करण्यात आली. शल्य विशारद डॉ. प्रसाद जोशी आणि ईशान गजबे, फिजिशियन डॉ. महेश कोकणे पाटील, अॅनेस्थेटिस्ट डॉ. शरद धायगुडे यांच्यासह टीम सदस्यांचे आभार रुग्णाचे नातेवाईकांनी मानले आहेत. डॉ. प्राची जोशी, डॉ. श्रीवल्लभ कुलकर्णी, ऑपरेशन थिएटर मधील सहकारी संदीप पवार, नितीन जगताप, मंगेश बोडरे, प्रशांत सोनवलकर, मोहन पवार, पूजा कान्हेरे आणि नर्सिंग स्टाफ यांनी खूप मेहनत घेतली.

या यशस्वी शस्त्रक्रियेमुळे या वयात सुद्धा शखक्रिया होऊन पेशंट बरा होऊ शकतो याचा एक विश्वास सर्वांमध्ये पसरेल यात शंकाच नाही, असे मत डॉ. जोशी यांनी व्यक्त केले.