सातारा, दि. 4 (प्रतिनिधी) - येथील कूपर कॉलनी येथे सोमवारी (दि. 3) टोयोटा इनोव्हा कार आणि एसटी बस यांचा अपघात झाला. या अपघातात कारचे सुमारे दीड लाख रुपयांचे नुकसान केल्याप्रकरणी एसटी बसचालक शिवाजी ईश्वर अहिवळे (वय 42, रा. जत, जि. सांगली) यांच्यावर शाहूपुरी पोलीस ठाण्यात गुन्हा दाखल करण्यात आला आहे. याबाबत सूर्यकांत नरहरी जाधव (वय 35, रा. शहापूर, जि. धाराशिव) यांनी तक्रार दिली आहे. हवालदार मदने तपास करत आहेत.