सातारा : साफसफाई व आरोग्यास धोकादायक क्षेत्रात काम करणाऱ्या पालकांच्या मुलांना शिष्यवृत्ती योजना ही जिल्हा समाजकल्याण अधिकारी जिल्हा परिषद सातारा कार्यालयामार्फत राबविण्यात येते. या योजनेचा लाभ घ्यावा, असे आवाहन जिल्हा परीषदेचे जिल्हा समाज कल्याण अधिकारी   विदयानंद चल्लावार यांनी केले आहे.

हाताने मेहतर काम करणाऱ्या मानवी विष्ठांचे वहन करणाऱ्या व्यक्ती किंवा बंदिस्त व उघड्या गटाराची साफसफाई करणाऱ्या व्यक्ती, अस्वच्छ व्यवसायाशी संबंध परंपरंने असलेले सफाईगार, कातडी कमावणारे आणि सोलणारे,  कचरा गोळा करणे व उचलणे या मध्ये काम करणाऱ्या पालकांची मुले शिष्यवृत्तीसाठी पात्र असतील.

शिष्यवृत्ती इयत्ता १ ली किंवा त्यापुढील कोणत्याही इयत्तेत किंवा प्रीमॅट्रिक स्तरावर प्रवेशीत अनिवासी विदयार्थ्यांना देय राहिल. त्याचबरोबर इयत्ता १ ली व त्यापुढील कोणत्याही इयत्तेत किंवा प्रीमॅट्रीक स्तरावर प्रवेशीत निवासी विद्यार्थ्यांना देय राहिल सदरील योजनेचा लाभ इयत्ता १० वी पर्यंत अनुज्ञेय राहिल. एका शैक्षणीक वर्षात १० महिन्यांच्या कालावधीसाठी शिष्यवृत्ती देय राहील .

योजनेअंतर्गत अस्वच्छ व्यवसाय करीत असलेबाबत प्रमाणपत्र सादर करणे बधंनकारक राहील. अशा अस्वच्छ व्यवसाय करणाऱ्या पालकांनी खालील प्राधिकाऱ्यांचे प्रमाणपत्र सादर करणे आवश्यक आहे. ग्रामपंचायत क्षेत्र – ग्रामसेवक व सरपंच, नगरपालिक क्षेत्र – मुख्याधिकारी 

या योजनेच्या सदंर्भात सातारा जिल्ह्यामधील सर्व मान्यताप्राप्त अनुदानित, विना अनुदानित, कायमस्वरुपी विना अनुदानित शाळेतील मुख्याध्यापक यांनी सन २०२४-२५ या शैक्षणीक वर्षामध्ये साफसफाई व आरोग्यास धोकादायक क्षेत्रात काम करणाऱ्या पालकांच्या मुलांना शिष्यवृत्ती योजने करीता शाळेमधील सर्व पात्र विदयार्थ्यांचे अर्ज करणेकरिता आवश्यक सर्व कागदपत्रांची पुर्तता करुन premqtri.mahait.org^login महाआयटी या  पोर्टलवर अर्ज भरावेत.