सातारा : सातारा शहरासह तालुक्यात घडलेल्या तीन वेगवेगळ्या घटनांमध्ये दोन युवतींसह एक महिला बेपत्ता झाल्याच्या फिर्यादी संबंधित पोलीस ठाण्यांमध्ये नोंदविण्यात आल्या आहेत.

याबाबत पोलिसांनी दिलेली माहिती अशी, दि. 28 रोजी दुपारी सव्वा बारा वाजण्याच्या सुमारास सातारा शहर परिसरात राहणारी 48 वर्षीय महिला राहत्या घरातून कोणास काही एक न सांगता निघून गेली आहे. अधिक तपास महिला पोलीस हवालदार पाटील करीत आहेत. 

दुसऱ्या घटनेत, सातारा तालुक्यातील एका गावात राहणारी वीस वर्षीय युवती राहत्या घरातून दि. 28 रोजी पावणे बारा वाजण्याच्या सुमारास निघून गेली आहे. अधिक तपास पोलीस हवालदार राऊत करीत आहेत.

तिसऱ्या घटनेत, दि. 28 रोजी रात्री पावणेदहा वाजण्याच्या सुमारास सातारा शहरात राहणारी 18 वर्षीय युवती राहत्या घरातून कोणास काही एक न सांगता निघून गेली आहे. अधिक तपास महिला पोलीस हवालदार पाटील करीत आहेत.