सातारा : धनंजयराव गाडगीळ वाणिज्य महाविद्यालयातील बँकिंग स्पर्धा परीक्षा मार्गदर्शन केंद्राद्वारे दिनांक ६ जानेवारी २०२५ रोजी सकाळी १०. ०० वाजता स्टेट बँक ऑफ इंडिया ज्युनिअर असोशिएट व प्रोबेशनरी ऑफिसर्स भरती प्ररीक्षेबाबत मोफत एकदिवशीय कार्यशाळेचे आयोजन करण्यात आलेले आहे.

देशातील राष्ट्रीयकृत बँका, खाजगी बँका, सहकारी बँका तसेच विविध प्रकारच्या इतर वित्तीय संस्थांमधील प्रोबेशनरी ऑफिसर, क्लर्क, असिस्टंट मॅनेजर, अशोसिएट, एल.आय. सी. ऑफिसर इत्यादी पदाच्या नोकर भरतीसाठी मार्गदर्शन करण्यासाठी सन २०१३ पासून महाविद्यालयात बँकिंग स्पर्धा परीक्षा मार्गदर्शन केंद्र चालवले जात आहे आजअखेर या केंद्रातून ६०० पेक्षा अधिक युवक-युवतींना बँकिंग क्षेत्रात आपले करिअर करता आले आहे. सद्या स्टेट बँक ऑफ इंडिया द्वारे १३७३५ ज्युनिअर असोशिएट (क्लार्क) व ६०० प्रोबेशनरी ऑफिसर्स भरतीची जाहिरात प्रसिध्द करण्यात आलेली आहे. तसेच शासनाच्या देखील विविध नोकर भरती बाबतच्या जाहिराती प्रसिध्द करण्यात आलेल्या आहेत. या अनुषंगाने विद्यार्थ्यांना मार्गदर्शन करण्यासाठी ह्या कार्यशाळेचे आयोजन करण्यात आलेले आहे.