फलटण : फलटण तालुक्यातील सोमंथळी येथे रविवारी सकाळी 8.15 वाजण्याच्या सुमारास बारामती-फलटण रोडवर अज्ञात वाहनाने जोरदार धडक दिल्याने एकाचा जागीच मृत्यू झाला, तर एक जण गंभीर जखमी झाला आहे.

याबाबत फलटण ग्रामीण पोलीस ठाण्यातून मिळालेली माहिती अशी, रविवार दिनांक 24 सप्टेंबर रोजी सकाळी 8.15 वाजण्याच्या सुमारास फिर्यादी यांची होंडा शाईन यु.पी.80 बी.जी.9378 वरून फिर्यादी यांचा भाऊ सुभाष रामचंद्र देशमाने व त्यांचा मुलगा तन्मय सुभाष देशमाने दोघेही (रा.मोरेवाडी मेडद ता.बारामती जि.पुणे) हे पिता-पुत्र दहिवडी येथे जाण्यासाठी घरातून निघाले होते. ते साधारण ते 8.35 वाजण्याच्या सुमारास सोमंथळी गावच्या हद्दीत आले असताना बारामती ते फलटण बाजूकडे जाणाऱ्या रोडवर वन-वे केलेल्या ठिकाणी फिर्यादी यांचा भाऊ बारामती ते फलटण बाजू कडे जात असताना समोरून येणाऱ्या अज्ञात वाहनाने फिर्यादी यांचा भाऊ चालवत असलेल्या होंडा शाईन क्र-यु.पी.80 बी.जी.9378 या मोटारसायकलला जोरदार धडक दिली. या अपघातात फिर्यादी यांचा भाऊ जागेवर मयत झाला असून फिर्यादी यांचा पुतण्या तन्मय सुभाष देशमाने यास गंभीर जखमी झाला आहे. शिरीष रामचंद्र देशमाने यांनी फलटण ग्रामीण पोलीस ठाण्यात गुन्हा दाखल केला आहे. अधिक तपास फलटण ग्रामीण पोलीस करीत आहेत.