सातारा : राजवाडा येथे राजधानी टॉवरच्या लगत एका पत्र्याच्या शेडमध्ये जुगार अड्डा सुरू असल्याची माहिती शाहूपुरी पोलिसांना गोपनीय बातमीदारामार्फत मिळाली, त्यानुसार पोलिसांनी त्या ठिकाणी सोमवारी रात्री नऊ वाजता छापा टाकून जुगाराचे साहित्य जप्त केले आहे. यामध्ये एक सीपीयू, एक मॉनिटर, एक कीबोर्ड असे २५ हजार ३६० रुपये किमतीचे साहित्य जप्त केले आहे. याप्रकरणी क्षितिज संतोष पवार (वय २१ रा. ४३९ मंगळवार पेठ,सातारा) याच्या विरोधात शाहूपुरी पोलीस ठाण्यात गुन्हा दाखल करण्यात आला आहे. अधिक तपास पोलीस कॉन्स्टेबल सुमित मोरे करत असल्याची माहिती पोलिसांनी दिली आहे.