सातारा : पोलीस असल्याची बतावणी करून दोन भामट्यांनी वृद्धेची फसवणूक केल्याची फिर्याद सातारा शहर पोलीस ठाण्यात नोंदविण्यात आली आहे.

याबाबत पोलिसांनी दिलेली माहिती अशी, दि. एक रोजी सकाळी साडेदहा वाजण्याच्या सुमारास मनकर्णिका गणपत जाधव रा. कोडोली, सातारा या वृद्धेला दोन भामट्यांनी आम्ही पोलीस आहोत, अशी बतावणी करून, त्यांना फसवून त्यांच्याकडील चाळीस हजार रुपये किंमतीची, एक तोळे वजनाची सोन्याची चैन घेऊन गेले आहेत. याबाबतची फिर्याद सातारा शहर पोलीस ठाण्यात दाखल करण्यात आली असून अधिक तपास पोलीस उपनिरीक्षक गवळी करीत आहेत.