सातारा : दगडाच्या खाणीमध्ये पडून एकाचा मृत्यू झाल्याची नोंद सातारा तालुका पोलीस ठाण्यात करण्यात आली आहे.

याबाबत पोलिसांनी दिलेली माहिती अशी, म्हसवे, ता. सातारा गावच्या हद्दीतील दगडाच्या खाणीमध्ये पडून शंभू मंगलदास तांबोळी (वय 37, रा. पिंपळवाडी, ता. फलटण) यांचा दि. 3 रोजी मृत्यू झाला. याबाबत सातारा तालुका पोलीस ठाण्यात प्रमोद शंकर रणसिंग (वय 55, रा. वाघोली, ता. कोरेगाव) यांनी फिर्याद दिली आहे. पोलीस हवालदार मोरे तपास करत आहेत.